I refuzohet shtetësia franceze, refuzoi t’i flasë me dorë zyrtarit

14:34 | 21 Prill 2018
Arbresh.info

Një gruaje algjeriane i është refuzuar shtetësia franceze, pasi që refuzoi të shtrëngojë duart me një zyrtar.

Gruaja tha se “besimi fetar” nuk e lejon t’i japë dorën zyrtarit të gjinisë mashkullore në ceremoninë e shtetësisë, transmeton portali arbresh.info.

Kjo ka bërë që qeveria franceze t’ia refuzojë shtetësinë nën arsyetimin se nuk ishte asimiluar në komunitetin francez, përkundër faktit që është martuar me një francez.

Ajo ka apeluar vendimin, mirëpo Gjykata Franceze e Apelit ia hodhi poshtë kërkesën.

Nën kodin civil francez, autoritetet mund të refuzojnë dhënien e shtetësisë dikujt që nuk është asimiluar, apo integruar në shoqërinë franceze. Zyrtarët e përdornin këtë arsye, duke thënë se refuzimi i saj për të marrë pjesë në gjest e dëshmoi këtë.

Gruaja algjeriane e quajti vendimin “abuzim të pushtetit”, por Këshilli i Shtetit e mbështeti vendimin./Arbresh.info/